"Qarabağ" "Kopenhagen"ə qarşı

UEFA Çempionlar Liqasında Liqa mərhələsində ikinci turun oyunları davam edir.

Futbolxeber.az saytının məlumatına görə, turnirdəki təmsilçimiz “Qarabağ” da bu gün meydana çıxacaq.

Qurban Qurbanovun komandası Bakıda Danimarkanın “Kopenhagen” klubunu qəbul edəcək.

İlk turda Portuqaliyada “Benfika” üzərində əzmkar qələbə (3:2) qazanan Ağdam təmsilçisi ev oyunuda da qalib gəlməklə turnir cədvəlində üst pillələrdə qərarlaşa bilər.

“Qarabağ” və “Kopenhagen” artıq avrokuboklarda 5-ci dəfədir ki, rəqib olurlar. İlk dəfə bu komandalar 1998-ci ilin yayında - o vaxt UEFA-nın Kuboklar kuboku adlanan yarışında üz-üzə gəlib və skandinaviyalılar hər iki matçda böyük hesabla qələbə qazanıb - evdə 6:0, səfərdə 4:0.

Komandaların 2017-ci ildə ÇL-in pley-off mərhələsindəki qarşılaşmalarda isə “Qarabağ” üstün olub. Bakıda 1:0 hesabı ilə qalib gələn Qurban Qurbanovun komandası səfərdə uduzsa da (1:2), o vaxtkı səfər qolu qaydası sayəsinsə tarixində ilk dəfə Çempionlar Liqasının qrup mərhələsinə yüksəlmişdi.

UEFA Çempionlar Liqası

Liqa mərhələsi, 2-ci tur

1 oktyabr

20:45. “Qarabağ” (Azərbaycan) - “Kopenhagen” (Danimarka)

Hakimlər: Serdar Gözübüyük, Ervin Zeynstra, Patrik İnya (Niderland)

Bakı. Tofiq Bəhramov adına Respublika stadionu