5 Aprel 2025, Şənbə
XXIX turun hakim təyinatları
“Qəbələ” Premyer Liqada!
Millimizin heyəti açıqlandı
Millimiz FİFA reytinqində gerilədi

Ölkə futbolu

Yuri Matias: “Bu cür oyunla finala çıxmaq şansımız sıfırdır”

“Neftçi”nin müdafiəçisi Yuri Matiasın Futbolxeber.az saytına müsahibəsi

 

- Azərbaycan kubokunun yarımfinal mərhələsinin ilk matçında “Sabah”a 1:2 hesabı ilə uduzdunuz. Məğlubiyyətə səbəb nə oldu?

- Dəqiq nəsə demək çətindir. Rəqibin şansı bizdən çox oldu. Uduzduq, lakin mübarizə hələ bitməyib. Qarşıda ikinci matç var. Həmin görüşdə vəziyyəti, eləcə də oyunumuzu dəyişməliyik. 1:2 hesablı məğlubiyyət son deyil.

- Finala adlamaq üçün “Neftçi” cavab matçında nələri dəyişməlidir?

- Finala yüksəlmək istəyiriksə, daha yaxşı oynamalıyıq, daha çox qol epizodumuz olmalıdır. Çünki ilk matçda elə də çox qol şansımız olmadı. Yalnız künc zərbələrindən sonra 2-3 dəfə rəqib qapısında təhlükəli vəziyyət yarada bildik. Bu, “Neftçi” üçün çox azdır.

- İlk görüşdə sərgilənən futbolla “Neftçi”nin ikinci görüşdə vəziyyəti xeyrinə dəyişməsi nə dərəcədə realdır?

- Bu cür oyunla finala çıxmaq şansımız sıfırdır. Həlledici matça vəsiqə qazanmaq istəyiriksə, başqa cür oynamalyıq. Belə olmaz. “Qarabağ”, “Zirə”yə qarşı oynadığımız kimi çıxış etməliyik. Qol vura bilmiriksə, necə finala çıxacağıq?

- “Sabah”la matçda penaltini sizin yerinə yetirməyiniz gözlənilməz oldu...

- Normalda bizdə penaltini Emin Mahmudov, yaxud Filip Ozobiç vurur. Onlarda meydanda yox idi. Ona görə də məsuliyyəti mən üzərimə götürdüm. Düzdür, ilk epizodu qaçırdım, amma sən bir şeyi ürəkdən istəyirsənsə, Tanrı ikinci şansı verir.

- Qoldan sonra xüsusi hazırlanmış formanı qaldırdınız. Belə çıxır ki, qol vurmaq üçün əvvəlcədən xüsusi hazırlaşmışdınız?

- Bu görüşdə biz oyunöncəsi məşqə Ümumdünya Autizm haqqında Məlumatlandırma Günü münasibətilə xüsusi hazırlanmış formalarla çıxmışdıq. Bilirsiniz ki, bu, mənim üçün xüsusi bir haldır. Çünki övladım da autizmdən əziyyət çəkir. Bəli, emosional idim. Buna görə də qol vurmağı çox istəyirdim. Qol vurduqdan sonra formanı göstərməyim də bununla əlaqədardır. Mən onlar üçün vuruşurdum.

İbrahim Cəfərov








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30