5 Aprel 2025, Şənbə
Millimizin heyəti açıqlandı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi

Ölkə futbolu

Samuel Qustaffson: “Belə səhvlər "Qarabağ"la matçlarda yolverilməzdir”

“Hekken”in yarımmüdafiəçisi Samuel Qustaffsonun Futbolxeber.az saytına müsahibəsi

 

- UEFA Avropa Liqasının qrup mərhələsinin altıncı turunda Bakıda “Qarabağ”a 1:2 hesabı ilə uduzduz. Qarşılaşma barədə nə deyə bilərsiz?

- Avropa Liqasında ilk dəfə çıxış etməyimizə baxmayaraq, bu turnirdən çox şey öyrəndik. Düzdü, bugünkü nəticədən məyusuq, qrupu xalsız başa vurduq. Amma hər oyuna fərdi olaraq yanaşsaq, hər matçın yaddaqalan hekayələri oldu. Düşünürəm ki, biz kollektiv olaraq olduqca yaxşıyıq. Amma fərdi səhvlər edirik, belə səhvlər "Qarabağ"la matçlarda yolverilməzdir. Rəqib sizi istənilən an cəzalandıra bilər.

- Demək olar ki, “Qarabağ”ın erkən qolu komandanızda ruh düşkünlüyü yaratdı?

- Əlbəttə, buraxdığımız ilk qol fərdi səhvdən baş verdi. Belə səhvə görə hesabda geri düşdükdən sonra şübhəsiz, özünə gəlmək çətin olur. Bizim daha yaxşı performans göstərməyə ehtiyacımız var.

- "Qarabağ"ın növbəti mərhələdə şanslarını necə dəyərləndirirsiniz? Sizcə, Ağdam klubu Avropa Liqasında nə qədər irəliləyə bilər?

- İlk olaraq püşkatmanın nəticələrini görməliyik. Düşünürəm ki, "Qarabağ" yüksək keyfiyyətlərə malik, balanslaşdırılmış komandadır. Əsas olaraq da fərdi baxımdan üstün oynayırlar.

- Bakıdan, Tofiq Bəhramov adına Respublika stadionundan hansı təəssüratlarla ayrılırsız?

-  Bir ay əvvəl İsveç millisinin heyətində bu stadionda olmuşdum. Bugünkü atmosfer möhtəşəm idi. Komandanın növbəti mərhələyə çıxması üçün fanatlar da öz bacarıqlarını göstərdi. "Qarabağ"ı təbrik etmək istəyirəm.

Azad NURİYEV








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30