"Bizi qollu heç-heçə də qane edirdi, ancaq bu sualdan sonra fikrim yalnız qələbə qazanmaq olacaq"

"Neftçi"nin baş məşqçisi Böyükağa Hacıyev Albaniyada yerli jurnalistlərin təxribatçı sualları ilə üzləşib. Futbolxeber.az-ın məlumatına görə, "Sabah "Neftçi"də son gecəniz ola bilər" sualını belə cavablandırıb: "Peşəkar məşqçiyəm. Mərhələni keçməsək, bu, "Neftçi"dəki son oyunum olacaq. Bu suala qədər bizi qollu heç-heçə də qane edirdi. Ancaq bu sualdan sonra fikrim yalnız və yalnız qələbə qazanmaq olacaq".

B.Hacıyev ilk matçda qələbə qazana bilməmələrinin səbəbini belə izah edib: "Bir neçə yüzfaizli qol imkanlarımız oldu, dəyərləndirə bilmədik. Hər top qapıya daxil olsa, futbolun ləzzəti qalmaz. Eybi yox, Bakıda qaçırdığımız qol vəziyyətlərinin əvəzini burada çıxacağıq".