“Neftçi”nin ən yaxın izləyicisi ilə oyununun biletləri satışa çıxdı

Azərbaycan Premyer Liqasının VII turu çərçivəsində keçiriləcək “Neftçi” - “Sabah” oyununun biletləri satışa çıxarılıb.

Futbolxeber.az saytının məlumatına görə, hazırda onlayn satışda olan sektorlar aşağıdakılardır:

2 AZN - Qərb 2

3 AZN - Banişevski alt

15 AZN - VIP Silver 1, VIP Silver 2, VIP Family

Biletləri “Neftçi”nin mobil tətbiqindən və bilet.neftchi.az saytından onlayn əldə edə bilərsiniz.

Aşağıdakı sektorlar üzrə biletlər isə daha sonra satışa çıxarılacaq:

2 AZN - Qərb 1, Forza, Şərq 1, Şərq 2

3 AZN - Şimal 1, Şimal 2, Banişevski üst

20 AZN - VIP Gold

Fiziki biletlərin satışı oyun günü saat 14:00-dan etibarən stadionun kassasında başlayacaq.

Xatırladaq ki, oktyabr 9-da “Palms Sports Arena”da keçiriləcək qarşılaşma 19:30-da start götürəcək.

6 turdan sonra “Neftçi” 15 xalla Azərbaycan Premyer Liqasının lideri, eyni xala malik “Sabah” isə onun ən yaxın izləyicisidir.