30 Avqust 2025, Şənbə
Sergen Yalçın yenidən “Beşiktaş”da
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı

Basketbol

"Əsas məqsədlərdən biri pley-offa yüksəlməkdir"

“Klubun əsas məqsədlərindən biri pley-off mərhələsinə yüksəlmək və uğur qazanmaqdır”.

Futbolxeber.az saytının məlumatına görə, bunu NTD-nin basketbolçusu Detrek Brauninq klubun mətbuat xidmətinə müsahibəsində deyib.

O, Bakı təmsilçisini seçməsinin səbəblərinə aydınlıq gətirib: “Təklif dekabrda gəldi və biz danışıqlara başladıq. Agentim NTD-də peşəkarların çalışdığını dedi və bu diqqətimi çəkdi. Mənim üçün buraya həyat yoldaşımla gəlmək vacib idi və onlar bunu təmin etdilər. Mövsümün əvvəlindən liqanı izləyirdim, çünki burada oynayan bir neçə dostum var. Hətta ötən mövsüm "Gəncə"də çıxış edən Markus Gilson ilə Gürcüstan çempionatını qazandım. Yəni liqadan xəbərdaram. Məşqçilər heyəti ilə söhbət etdim. Klubun əsas məqsədlərindən biri pley-off mərhələsinə çıxmaq və uğur qazanmaqdır. Təəssüf ki, mövsüm yaxşı başlamadı, amma yeni oyunçular və komandada qalanlar ilə nəticələri yaxşılaşdırmağa ümid edirik. Pley-offa qədər NTD-ni güclü bir komanda etməliyik".

Basketbolçu zamanla daha da güclənəcəklərinə inanır: "İlk oyunumuzu yanvarın 11-də keçirdik. Cəmi 5 məşqə çıxdığımızı nəzərə alsaq, yaxşı oynadıq. Hələ də bir-birimizin güclü və zəif tərəflərini öyrənirik. Zamanla daha da güclənəcəyik. Gələcəkdə daha çox oyun qazanacağımızı düşünürəm. Güclü məşqçilər heyətimiz və qələbəyə ac komandamız var. Hazırda növbəti matçımıza hazırlaşırıq və bu oyunu səbirsizliklə gözləyirik. Daha güclü olduğumuzu göstərmək istəyirik”.

Qeyd edək ki, komanda 10 turdan sonra A qrupunda 11 xalla sonuncu - 6-cı pillədə qərarlaşıb.

 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31