Ehtiram Quliyev: “Bu gün bir xal qazanmadıq, iki xal itirdik”

“Turan Tovuz”un İdarə Heyətinin sədri Ehtiram Quliyev Futbolxeber.az saytına müsahibəsi  

- Azərbaycan Premyer Liqasının IX turunda səfərdə “Neftçi”yə qarşı keçirilən oyunu (1:1) necə dəyərləndirirsiniz?

- Uşaqlar yaxşı çıxış etdilər. Oyun bizi qane edir. Belə davam etdiyimiz müddətdə istədiyimiz nailiyyətləri əldə edəcəyik.

- “Neftçi” 60 dəqiqə azlıqda oynadı. Belədə say üstünüyündən yararlanmamaq sizi məyus etdi?

- Matçın əvvəlindən üstün oynayırdıq. 11:11 olarkən də üstünlük bizim tərəfimizdə idi. Oyun planımız hücum futbolu sərgiləmək idi. Uşaqlar irəlidə oynayırdılar. Futbolçular əllərindən gələni etdilər. Qələbə qazanmaq nəsib olmadı. Buna da şükür.

- Demək olar ki, “Turan Tovuz” bu gün iki xal itirdi? Yoxsa bir xal qazandı?  

- Əlbəttə, bu gün biz bir xal qazanmadıq, iki xal itirdik.