Krivotsyukun komandası həlledici mərhələyə yüksəldi

Cənubi Koreya çempionatında 33-cü turun oyunları keçirilib.

Futbolxeber.az saytının məlumatına görə, Azərbaycan milli komandasının üzvü Anton Krivotsyukun çıxış etdiyi “Daejeon” səfərdə “Gimçeon Sangmu” ilə və 2:1 hesablı qələbə qazanıb.

Krivotsyuk da bu görüşün iştirakçısı olub. 26 yaşlı müdafiəçi matça start heyətində başlayıb və sona qədər meydanda olub.

Bu qələbə sayəsində xallarının sayını 49-a çatdıran “Daejeon” 33 turdan sonra çempionatın ilk mərhələsini üçüncü pillədə başa vurub.

Qeyd edək ki, reqlamentə əsasən ilk altılıqda qərarlaşan komandalar mövsümün ikinci hissəsində, 10 tur ərzində medallar uğrunda mübarizə aparacaqlar.