“NTD-İndiqo”dan ardıcıl ikinci qələbə

Basketbol üzrə Azərbaycan Kubokunda daha bir oyun keçirilib.

Futbolxeber.az saytının məlumatına görə, B qrupunda yer alan “NTD-İndiqo” ilə “Sərhədçi” komandaları üz-üzə gəliblər.

İlk turda rəqibləri üzərində qələbə qazanan klubların duelindən bu dəfə “NTD-İndiqo” üstün ayrılıb. “Sərhədçi”ni 104:70 hesabı ilə məğlub edən Tahir Baxşıyevin yetirmələri ölkə kubokunda ardıcıl ikinci qalibiyyətlərini qazanıblar.

Qeyd edək ki, dünən keçirilən qrupun digər matçında “Sabah” “Şəki”ni 103:82 hesabı ilə məğlub edib.