“Sportinq”i o çalışdıra bilər

Portuqaliyanın “Sportinq” klubunda tezliklə baş məşqçi dəyişikliyi ola bilər.

Futbolxeber.az saytının “A Bola”ya istinadən verdiyi məlumata görə, klub rəhbərliyi tezliklə hazırkı baş məşqçi Ruy Borjeşlə vidalaşmaq barədə düşünür.

Artıq onun mümkün əvəzləyicisi də məlumdur. Belə ki, “Sportinq” rəhbərliyi baş məşqçi vəzifəsinə Paulo Fonsekanı gətirmək istəyir. Hazırda “Lion”u çalışdıran portuqaliyalı mütəxəssislə danışıqlar davam edir.

“Sportinq” həm Fonseka, həm də “Lion” rəhbərliyi ilə razılıq əldə edə bilsə, təyinat tezliklə reallaşacaq.

Fonseka “Sportinq”in baş məşqçisi kimi Portuqaliya kubokunun dördüncü mərhələsində “Unian da Serra” ilə görüşdə debüt edə bilər.