Çerçesov Moskva klubunda?

Rusiyanın “Axmat” klubunun baş məşqçisi Stanislav Çerçesov tezliklə iş yerini dəyişə bilər.

Futbolxeber.az saytının Rusiya mətbuatına istinadən verdiyi məlumata görə, Moskva “Lokomotiv”i təcrübəli mütəxəssisin xidmətində maraqlıdır.

Paytaxt klubunu hazırda Mixail Qalaktionov çalışdırsa da, onun tezliklə istefaya göndəriləcəyi gözlənilir. “Lokomotiv” rəhbərliyi artıq Çerçesovla danışıqlara başlayıb.

Qeyd edək ki, “Lokomotiv” dünən Moskva derbisində “Spartak”a 0:4 hesabı ilə uduzub. “Dəmiryolçular” 13 turdan sonra 11 xalla 16 komanda arasında 14-cü yeri tutur.