“Səbail” qələbəni əldən verdi

Azərbaycan I Liqasında 4-cü tur davam edir.

Futbolxeber.az saytının məlumatına görə, bu gün daha bir oyun keçirilib.

Turun mərkəzi görüşündə iki iddialı kollektiv – “Səbail” və “Karvan-Yevlax” üz-üzə gəlib. Matç 1:1 hesabı ilə yekunlaşıb.

Aldo Qomes Soares 7-ci dəqiqədə paytaxt klubunu hesabda önə keçirib. Lakin bu qol qələbə üçün kifayət etməyib. Eze Sillasın 61-ci dəqiqədə vurduğu qol Yevlax təmsilçisinə 1 xal qazandırıb.

4 tur ərzində ikinci dəfə xal itirən “Səbail” hazırda 8 xalla turnir cədvəlində üçüncü, “Karvan-Yevlax” isə 7 xalla dördüncüdür. Çempionatın vahid lideri isə 4 turdan sonra maksimum xal qazanan “Şahdağ-Qusar”dır.