“Qalatasaray”ın yarımmüdafiəçisi İngiltərə klublarının hədəfində

“Qalatasaray”ın yarımmüdafiəçisi Qabriel Sara tezliklə klubunu dəyişə bilər.

Futbolxeber.az saytının fussball-news.de-yə istinadən verdiyi məlumata görə, 27 yaşlı futbolçunun xidmətində İngiltərənin bir neçə klubu maraqlıdır. Belə ki, “Nyukasl”, “Everton”, “Aston Villa” və “Brayton” Saranı heyətində görmək istəyir.

Adıçəkilən klublar braziliyalı yarımmüdafiəçi üçün 30-35 milyon avro ödəməyə hazırdırlar. Lakin “Qalatasaray” Sara ilə vidalaşmaq üçün minimum 40 milyon avro tələb edir.

Qeyd edək ki, Qabriel Sara bu mövsüm bütün turnirlər nəzərə alınmaqla 13 matçda meydana çıxıb, 2 qol vurub və 5 məhsuldar ötürmə müəllifi olub.