“Sumqayıt”ın sabiq baş məşqçisi istefaya göndərildi

Serbiyanın “Partizan” klubunun baş məşqçisi Saşa İliç istefaya göndərilib.

Futbolxeber.az-ın klubun saytına istinadən verdiyi məlumata görə, buna komandanın uğursuz çıxışı səbəb olub.

Serbiya çempionatının son turunda “Partizan” öz meydanında “Çukariçki”yə 0:2 hesabı ilə uduzub. Bu məğlubiyyətdən sonra Belqrad klubu 12 turdan sonra 11 xalla 14 komanda 10-cu pillədə qərarlaşıb.

Xatırladaq ki, Saşa İliç ötən mövsüm “Sumqayıt”ı çalışdırıb. O, yayda “Partizan”ın baş məşqçisi təyin olunmuşdu.