Poqba etiraf etdi: "Bavariya" açıq-aşkar güclü idi"

"Yuventus"un yarımmüdafiəçisi Pol Poqba Çempionlar Liqasında mübarizəni dayandırmalarını şərh edib. Futbolxeber.az-ın məlumatına görə, fransız futbolçu rəqibin güclü olduğunu etiraf edib: "Biz "Bavariya"ya qarşı ciddi heç nə edə bilmədik. Münhenlilərin əla heyətləri var, onlar açıq-aşkar bizdən güclü idilər. Biz hər iki oyunda buna şahid olduq. Amma komandamızın göstərdiyi əzmkarlıqdan razıyam. Unutmaq lazım deyil ki, təcrübəli futbolçulardan qurulmuş çox güclü kollektivə qarşı mübarizə apardıq. İndi bizə ümid etmək qalır ki, gələn il daha yaxşı nəticə göstərəcəyik. Cavab oyununda erkən qol vurmağı çox istəyirdik. Amma rəqib buna imkan vermədi".