Olise “Bavariya” tarixinin ən yüksəködənişli futbolçusu ola bilər

“Bavariya”nın vingeri Maykl Olise klubun tarixində ən yüksəködənişli futbolçu ola bilər.

Futbolxeber.az saytının məlumatına görə, bu barədə “Sky Sport Germany” yazıb.

Qeyd olunub ki, “Real”ın ciddi maraq göstərdiyi fransız futbolçunu heyətdə saxlamaq üçün Münhen klubu ona rekord maaş təklif edəcək. Tərəflər razılığa gəlsə, Olise hazırda “Bavariya”nın ən yüksəködənişli futbolçuları olan Harri Keyn və Camal Musialadan daha çox qazanacaq.

Qeyd edək ki, Olisenin “Bavariya” ilə hazırkı müqaviləsi 2029-cu ilə kimidir. O, Münhen klubuna 2024-cü ildə “Kristal Pelas”dan transfer olunub.