“Neftçi” azarkeşləri üçün matçdan öncə fan zona təşkil olunacaq

Bu gün Azərbaycan Premyer Liqasının VII turu çərçivəsində “Neftçi” öz meydanında “Sabah”ı qəbul edəcək.

Futbolxeber.az saytının məlumatına görə, matçdan əvvəl “Neftçi” azarkeşləri üçün əyləncəli fan zona təşkil olunacaq. Bu barədə klubun mətbuat xidməti açıqlama yayıb.

“Ağ-qaralar” bütün biletlərin satılmaq ehtimalının yüksək olduğunu nəzərə alaraq, giriş-çıxışı daha rahat təşkil etmək, tıxac və növbə problemi ilə üzləşməmək üçün azarkeşlərə “Palms Sports Arena”ya oyunun başlanma vaxtından 2 saat öncə gəlməyi tövsiyə edir.

Xatırladaq ki, qarşılaşmanın start fiti 19:30-da səslənəcək.