Xoakin: “Platinidən şübhələnməyə haqqımız var”

“Malaqa”nın yarımmüdafiəçisi Xoakin UEFA rəhbərliyindən narazıçılığını bildirib. Futbolxeber.az-ın məlumatına görə, futbolçu Çempionlar Liqasının 1/4 final mərhələsinin cavab qarşılaşmasında, komandasının “Borussiya”ya məğlub olmasının (2:3) səbəbini hakim səhvləri ilə əlaqələndirib: “Oyunu uduzduğumuz üçün Platinidən şübhələnməyə haqqımız var. Çünki bizim komanda “Real” yox, “Malaqa”dı. Bu məğlubiyyət hansısa təxribatın nəticəsi də ola bilər. “Malaqa”nın bu turnirdə yeni komanda olmasını öz üzərimizdə hiss etdik. Məşqçimiz tamamilə doğru buyurur ki, cəzalanmış komanda finalda ola bilməz. Oyunda vurulmuş qolların təkrarına baxanda, Çempionlar Liqasının belə həlledici mərhələsində hakimlər tərəfindən necə böyük səhvlərə yol verildiyini görmək olar”.