Sergey Yuranın yeni iş yeri müəyyənləşdi

Tanınmış rusiyalı mütəxəssis Sergey Yuranın yeni iş yeri müəyyənləşib.

Futbolxeber.az saytının məlumatına görə, 57 yaşlı mütəxəssis “Ural”ın baş məşqçisi təyin olunub.

O, bu postda Vasili Berezutskini əvəzləyib. Bu haqda Rusiya klubunun teleqram kanalı paylaşım edib.

Tərəflər arasında imzalanan müqavilənin detalları hələlik açıqlanmayıb. Lakin o məlumdur ki, Yuranın qarşısına Yekaterinburq klubunu Premyer Liqaya yüksəltmək tapşırığı qoyulub.

Son mövsümdə “Ural” Rusiya birinci liqasını üçüncü yerdə başa vuraraq pley-offa vəsiqə qazanıb. Lakin burada Mahaçqala “Dinamo”suna uduzan komanda Premyer Liqaya yüksələ bilməyib.

Qeyd edək ki, həm Sergey Yuran, həm də Vasili Berezutski daha əvvəl Azərbaycanda işləyiblər. Yuran “Simurq”u, Berezutski isə “Sabah”ı çalışdırıb.