“O, “Real”a heç 500 milyona avroya da getməyəcək”

“Bavariya” Maykl Oliseni “Real”a satmayacaq.

Futbolxeber.az saytının “L'Equipe” nəşrinə istinadən verdiyi məlumata görə, bu barədə Münhen klubunun adının açıqlanmasını istəməyən rəsmilərindən biri deyib.

“Olise 200 milyona da satılmır. O, ümumiyyətlə qiymətsizdir. Olise “Real”a heç 500 milyona avroya da getməyəcək”, - deyə anonim klub rəsmisi bildirib.  

Qeyd edək ki, bir neçə gün əvvəl “Real” fransız futbolçu üçün 150 milyon avro təklif etsə də, qarşı tərəfdən müsbət cavab ala bilməyib. “Kral klubu”nun növbəti təklifinin 200 milyon avro olacağı bildirilib.

Maykl Olise son mövsümdə bütün turnirlər nəzərə alınmaqla “Bavariya”nın heyətində meydana çıxdığı 52 matçda 22 qol vurub, 31 dəfə məhsuldar ötürmə müəllifi olub.