Terim: “Ümid edirəm ki, “Real” çempion olacaq”

“Qalatasaray”ın təcrübəli çalışdırıcısı Fatih Terim açıqlama verib. Futbolxeber.az-ın məlumatına görə dünən Çempionlar Liqasının 1/4 final mərhələsinin cavab qarşılaşmasında, öz meydanında “Real”ı (3:2) məğlub edən “Cim-Bom”un məşqçisi belə deyib: “Doğrudur, biz “Real”ı mübarizədən kənarlaşdıra bilmədik. Lakin, “Qalatasaray” bütün dünyanın hörmətini qazandı. Bizim arzumuz bu oyunu məğlub olmadan meydanı tərk etmək idi. 3-cü qolu vurduqdan sonra hətta bizdə  yarımfinala çıxmaq ümidi də yarandı. Ümid edirəm ki, “Real” bu turnirin qalibi olacaq və biz də o zaman deyə biləcəyik ki, çempiona uduzmuşuq. Sadəcə olaraq asanlıqla qol buraxmayıb, yaranan qol şanslarından düzgün istifadə edə bilsələr, türk futbolçularının əldə edə bilməyəcəyi heç nə qalmaz. Gücümüzü hər dəqiqə daha da artırmalıyıq. İndi biz başımızı dik tutub, öz yolumuza davam edə bilərik”.