Maurinyo Ferqyussona çatdı

Madrid "Real"ı iki oyunun nəticəsinə görə "Qalatasaray"ı 5:3 hesabı ilə üstələyərək Çempionlar Liqasında yarımfinala yüksəldi. Futbolxeber.az-ın məlumatına görə, bu nəticə ilə Joze Maurinyo karyerası ərzində yeddinci dəfə qitənin ən mötəbər klubu turnirində yarımfinala yüksəlib. Bu göstərici ilə Maurinyo "Mançester Yunayted"in baş məşqçisi Aleks Ferqyussona çatıb.

Qeyd edək ki, bu iki məşqçidən sonra ən yaxşı göstərici Elenio Errera, Lui Van Qal, Marçello Lippi, Mett Basbi və Migel Munyosa məxsusdur. Adıçəkilən mütəxəssislər hərəyə 5 dəfə Çempionlar Liqasında yarımfinal həyəcanı yaşayıblar.