İtaliyalı müdafiəçisi “Barselona”nın hədəfində

“Barselona”nın növbəti transfer hədəfi məlum olub.

Futbolxeber.az saytının İtaliya mətbuatına istinadən verdiyi məlumata görə, Kataloniya klubu “Yuventus”un müdafiəçisi Andrea Kambyaso ilə maraqlanır. 26 yaşlı futbolçunun universallığı “Barselona”nın ona olan marağını daha da artırır.

Turin klubu Kambyasonu 50 milyon avrodan ucuz qiymətə satmayacağını açıqlayıb. “Yuventus”un baş məşqçisi Luçano Spaletti futbolçunun çıxışından razıdır.

Qeyd edək ki, italiyalı müdafiəçi cari mövsüm bütün turnirlər nəzərə alınmaqla 39 matçda forma geyib, 3 qol vurub, 4 dəfə də məhsuldar ötürmə müəllifi olub. Onun “Yuventus”la müqaviləsi 2029-cu ilin iyununa kimidir.