İngiltərə millisinin sabiq üzvü həbs edilib

Esseks polisi İngiltərə millisinin adı açıqlanmayan sabiq futbolçusunu saxlayıb.

Futbolxeber.az saytının məlumatına görə, bu haqda "The Telegraph" yazıb.

Polis həmin oyunçu haqda mümkün təcavüzə cəhd iddiasını araşdırır. Şikayət bir neçə həftə əvvəl onun keçmiş sevgilisi tərəfindən verilib.

Hüquq-mühafizə orqanları sabiq  futbolçunu bazar günü ölkəyə qayıtdıqdan sonra Stansted hava limanında saxlayıb. O, polis şöbəsinə aparılıb, bir neçə saat ərzində dindirilərək DNT nümunələri və barmaq izləri götürülüb.

Bildirilib ki, hüquqi səbəblərə görə şübhəlinin adı açıqlanmır.