Vinisius “Yuventus”la oyundan danışdı: “Bu cür matçları sevirik”

“Real”ın futbolçusu Vinisius Junior klublarası dünya çempionatının 1/8 finalında “Yuventus”a qarşı keçiriləcək oyundan danışıb.

Futbolxeber.az saytının xarici KİV-ə istinadən verdiyi məlumata görə, braziliyalı forvard mundialın qalibi olmaq istədiklərini söyləyib:

“Biz bu cür matçları sevirik. Qalib gəlsən, irəli gedirsən, uduzsan, evə qayıdırsan. Bu, FİFA-nın yeni formatda keçirdiyi ilk klublararası dünya çempionatıdır. İlklər həmişə yaddaqalan olur. Ona görə də komandamız 100 faiz gücünü meydanda qoyacaq ki, yarışın qalibi olsun”.

Xatırladaq ki, “Real” və “Yuventus” arasında keçiriləcək 1/8 final matçı iyulun 1-də Mayamidə oynanılacaq. Qarşılaşmanın start fiti Bakı vaxtı ilə 23:00-da səslənəcək.