“Yuventus”un müdafiəçisi sıradan çıxdı

“Yuventus” itki ilə üzləşib.

Futbolxeber.az saytının klubun mətbuat xidmətinə istinadən verdiyi məlumata görə, klublarası dünya çempionatının qrup mərhələsinin son turunda “Mançester Siti”yə qarşı matçda (2:5) xəsarət alan Nikolo Savonanın zədəsi ciddidir. 22 yaşlı müdafiəçi ən azı 1 ay yaşıl meydanlardan kənarda qalacaq. Bu müddətdə müalicə olunacaq Savona 4-5 həftədən sonra yenidən müayinədən keçəcək.

Bu səbəbdən də onun dünya çempionatının 1/8 finalında “Real”a qarşı matçda meydana çıxmayacağı dəqiqdir.

Qeyd edək ki, Nikolo Savona son mövsüm bütün turnirlər nəzərə alınmaqla 40 matçda forma geyib.