Sağ futbolçunu bir dəqiqəlik sükutla yad etdilər

Bolqarıstan çempionatının "Arda" - "Levski" görüşündə (1:1) qəribə hadisə olub.

Futbolxeber.az saytının məlumatına görə, bu barədə "Talksport" məlumat yazıb.

"Arda" klubu futbolçulara səhvən keçmiş oyunçusu Petko Qançevin vəfatı haqda məlumat verib. Buna görə də futbolçular görüşdə1 dəqiqəlik sükut ediblər.

Qançevin həyat yolaşı həmin vaxt oyunu televizordan izlədiyi üçün gördükləri və eşitdikləri onu şoka salıb. O, həyat yoldaşına dəfələrlə zəng vurub. Lakin Qançev maşın sürdüyü üçün telefonuna cavab verə bilməyib. Qançev evə çatdıqdan sonra hər şeyə aydınlıq gəlib.

"Arda" bu anlaşılmazlığa görə üzr istəyib: "Sabiq futbolçumuz Petko Qançev və onun yaxınlarından kluba daxil olan yalan məlumata görə başverənlər səbəbindən üzr istəyirik. Qançevə uzun illər can sağlığı və "Arda"nın uğurlarına sevinməyi arzulayırıq”.