Salah: “Hələ ki, bu, mənim “Liverpul”da sonuncu yarım ilimdir”

Məhəmməd Salah cari mövsümün onun üçün “Liverpul”da sonuncu olub-olmayacağı barədə danışıb.

Futbolxeber.az saytının məlumatına görə, “Sky Sports”un bu barədə sualını misirli futbolçu belə cavablandırıb:

“Danışıqlarda hər hansı inkişaf yoxdur. Ona görə də hələ ki, bu, mənim “Liverpul”da sonuncu yarım ilimdir. Hazırkı məqamda bizə yalnız gözləmək və hadisələrin gedişatını izləmək qalır”.

Qeyd edək ki, Salah cari mövsümdə “Liverpul”un heyətində bütün turnirlər nəzərə alınmaqla 26 matçda meydana çıxıb, 20 qol vurub və 17 məhsuldar ötürmə müəllifi olub.