Van Deyk: “Liverpul” Çempionlar Liqasında oynamağa layiq deyildi”

“Liverpul”un müdafiəçisi Vircil van Deyk komandasının bu mövsüm UEFA Avropa Liqasında çıxış etməsinə münasibət bildirib.

Futbolxeber.az saytının məlumatına görə, niderlandlı müdafiəçi “Qırmızılar”ın Çempionlar Liqasında çıxışa layiq olmadığını vurğulayıb:

“Mövsümün sonuna kimi biz Çempionlar Liqasına vəsiqə qazanmağı arzulayırdıq. Amma o vəsiqəyə layiq deyildik. Açıq demək lazımdı, biz elə Avropliqada oynamağa layiq idik. İndi bu turniri qazanmaq istəyirik. Bunun üçün də hər şeyimizi ortaya qoyacağıq. Lakin bu, heç də asan olmayacaq. Avroliqanı qazanmaq üçün çox çalışmalıyıq”.

Xatırladaq ki, “Liverpul” Avroliqanın qrup mərhələsinin ilk turu çərçivəsində bu gün Avstriyada LASK-ın qonağı olacaq. Görüş Bakı vaxtı ilə 20:45-də start götürəcək.