“Marsel”lə “Çelsi” razılığa gələ bilmir

“Çelsi”nin hücumçusu Pyer-Emerik Obameyanq karyerasını Fransada davam etdirə bilər.

Futbolxeber.az saytının “The Athletic”ə istinadən verdiyi məlumata görə, “Marsel” qabonlu futbolçunun xidmətində maraqlıdı. Obameyanq özü də klubunu dəyişmək istəyir. Lakin 2 klub arasında aparılan danışıqlar hələ ki müsbət yekunlaşmayıb. Belə ki, hücumçunun “Çelsi” ilə daha 1 illik müqaviləsi var. Bu səbəbdən də “zadəganlar” onu havayı buraxmaq istəmir. Digər problem isə Obameyanqın məvacibi ilə bağlıdı. Afrikalı forvard İngiltərədə ilinə 9,7 milyon avro qazanır.