Məhsuldar ötürmə sayında klub rekordçusu oldu

“Kristal Pelas”ın yarımmüdafiəçisi Maykl Olise bir mövsümdə məhsuldar ötürmə sayında klub rekordçusu olub.

Futbolxeber.az saytının “Opta”ya istinadən verdiyi məlumata görə, 21 yaşlı futbolçu Premyer Liqanın 36-cı turunda “Bornmut”la  matçda (2:0) mövsüm ərzində 10-cu dəfə məhsuldar ötürmə verməklə rekord imza atıb. Buna qədər “Kristal Pelas”ın tarixində mövsüm ərzində bir oyunçunun rekord məhsuldar ötürmə sayı 9-a bərabər idi. 2004/05 mövsümündə Ueyn Rautledc və 2016/17 mövsümündə Ulfrid Zaa bu sayda assist edib.

Qeyd edək ki, cari mövsüm Olise məhsuldar ötürmə sayında Premyer Liqada yalnız Kevin de Bruyne (16) və Bukayo Sakadan (11) geri qalır.