"Benzema, Modriç və Kroos üçün vuruşmaq mənim üçün şərəfdi”

"Real”ın müdafiəçisi Antonio Rudriger komandadakı veteranların rolu barədə danışıb.

Futbolxeber.az saytının “Marca”ya istinadən verdiyi məlumata görə, alman müdafiəçi bildirib ki, “Liverpul”la görüşdə məhz təcrübəli futbolçuların komandanı toparlaması həlledici olub:

“Əgər “Liverpul”la oyuna diqqətlə baxsaz, görərsiz ki, bizim üçün həlledici an veteranların komandanı sakitkəşdirməsi oldu. Onlar hər zaman nə etməli olduqlarını bilirlər. Komandada hamı öz üzərinə düşəni çox yaxşı bilir, o cümlədən də mən. Vəzifəm daim mübarizə aparmaq və komandamın işini asanlaşdırmaqdı. Təbii ki, bəzən mən də paltardəyişmə otağında nələrsə deyirəm. Ümumiyyətlə, daxildə nə Kərim, nə Modriç, nə də Kroos çox danışır. Qısa və konkret, nə lazımdırsa o da deyilir. Benzema, Modriç və Kroos üçün vuruşmaq mənim üçün şərəfdi”.