“Mançester Yunayted”in zədəliləri sıraya qayıdır

“Mançester Yunayted”in zədəli futbolçuları sıraya dönüb.

Futbolxeber.az saytının “Evening News”a istinadən verdiyi məlumata görə, komandanın əsas hücumçusu Markus Reşford zədəsini bərpa edib.

İngilis forvardla yanaşı, Lyük Şou, Marsel Zabitser və Tirell Malasi da komandanın məşqlərinə qatılıb.

Qeyd edək ki, sabah “Mançester Yunayted” səfərdə Avroliqanın 1/4 final mərhələsində “Sevilya”ya qarşı cavab matçına çıxacaq. Görüş Bakı vaxtı ilə 23:00-da start götürəcək. “Old Trafford”da baş tutan ilk qarşılaşmada qalib aşkarlanmayıb - 2:2.