“Onun zərbəsini təkrarlamağa cəhd etsəydim, xəstəxanalıq olardım”

“Mançester Siti”nin yarımmüdafiəçisi Kevin de Brüyne komanda yoldaşı Erlin Hollanın “Sautgempton”la (4:1) oyundakı çıxışını dəyərləndirib.

Futbolxeber.az saytının “BBC Sport”a istinadən verdiyi məlumata görə, belçikalı futbolçu norveçli forvardın ikinci qolunu xüsusi fərqləndirib:

“Hollanın ikinci qolu sadəcə şedevr idi. And içə bilərəm ki, mən onun zərbəsini təkrarlamağa cəhd etsəydim, xəstəxanalıq olardım. Erlin bizim komandamızda olmaqdan xoşbəxtdi. Biz onun üçün epizodlar yaradırıq, o isə hər şeyi lazımınca edir”.

Qeyd edək ki, “Sautgempton” üzərində qazanılan qələbədən sonra “Mançester Siti” xallarının sayını 67-yə çatdırıb.