“Keyn “Tottenhem”də xoşbəxtdi, 30 yaşdan sonra getmək onun üçün çətindi”

İngiltərə millisinin və “Mançester Yunayted”in sabiq üzvü Pol Skoulz Harri Keynin “Tottenhem”dəki durumunu dəyərləndirib.

Futbolxeber.az saytının məlumatına görə, veteran yarımmüdafiəçi 30 yaşlı forvardın klubunu bundan sonra dəyişməsinin çətin olduğunu söyləyib:

“Məncə, Harri olduğu yerdə xoşbəxtdi. Əgər o, komandasını dəyişəsi olsaydı, 2 il əvvəl “Mançester Siti”yə transfer olunardı. Keyn “Siti” üçün fantastik oyunçu olardı və hər mövsüm ən azı 25 qolu var idi. Lakin 30 yaşdan sonra getmək çətindi”.  

Qeyd edək ki, Keyn “Tottenhem”də 2011-ci ildən çıxış edir.