“Latsio” çempionatın ən yaxşı müdafiə xəttinə malik komandasıdı”

“Yuventus”un baş məşqçisi Massimiliano Alleqri İtaliya A seriyasının 29-cu turu çərçivəsində “Latsio”ya qarşı keçirəcəkləri oyun barədə danışıb.

Futbolxeber.az saytının məlumatına görə, italiyalı mütəxəssis paytaxt təmsilçisinin müdafiə xəttinin güclü olduğunu vurğulayıb:

“Latsio” cari mövsümü əla keçirir. Bu komandanın müdafiə xətti çempionatın ən yaxşısıdı. Odur ki, bizi çox çətin oyun gözləyir. Bu cür rəqibə qarşı tez-tez hücum etmək elə də asan deyil. Bununla belə, komandamın çətin səfər matçında qələbə qazanacağına inanıram”.

Qeyd edək ki, “Latsio” hazırda 55 xalla A seriyasında ikinci, “Yuventus” isə 44 xalla yeddinci pillədədi.