Vadji 21-ci saniyədə qol vurdu

Fransa Liqa-2-də 30-cu turun oyunları keçirilir.

Futbolxeber.az saytının məlumatına görə, “Qarabağ”ın sabiq hücumçusu İbrahima Vadji uğurlu oyununu bu turda da davam etdrib.

Seneqallı futbolçunun komandası “Sent-Etyen” səfərdə “Paris FK”ya 4:2 hesabı ilə qalib gəlib. Start heyətdə meydana çıxan Vadji matçın start fitindən cəmi 21 saniyə sonra hesabı açıb. O, həmçinin komandasının 2-ci qolunun ötürməsini edib.

Bu qələbə sayəsində “Sent-Etyen” turnir cədvəlində 11-ci pilləyə yüksəlib.

Vadji özü isə bu mövsüm Liqa-2-də vurduğu qolların sayını 9-a yüksəldib (23 oyunda).