Mançini: “Hücumçu baxımından ciddi problem yaşayırıq”

İtaliya millisinin baş məşqçisi Roberto Mançini A seriyasının aparıcı klublarının yerli oyunçu azlığından gileylənib.

Futbolxeber.az saytının məlumatına görə, təcrübəli mütəxəssis küçə futbolunun yoxluğunun yeni istedadların üzə çıxmasına əngəl olduğunu qeyd edib:

“Bəli, İtaliyanın 3 klubu Çempionlar Liqasında 1/4 finala yüksəlib. Amma bu komandalardakı italyan futbolçuların sayı maksimum 7-8-di. Reallıq belədi. Bizim işimiz İngiltərəninkindən də çətindi. Səbəbini bilmirəm, amma hücumçularımızın sayı çox azdı. Bu aspektdən ciddi problem yaşayırıq. Daha əvvəl biz 3-4 saat həyətdə futbol oynayırdıq, sonra isə məşqə gedirdik. Amma indi belə şeylər yoxdu. Ona görə də yeni adlar məhz Uruqvay, Argentina, Braziliya kimi ölkələrdən üzə çıxır. Çünki orada insanlar hələ də küçədə futbol oynayırlar”.

Qeyd edək ki, Avro-2024-ün seçmə mərhələsinin ilk turunda İtaliya məhz İngiltərə ilə qarşılaşacaq. Mançini də məhz bu səbəbdən də çıxışı zamanı İngiltərə millisi ilə müqayisədə işlərinin çətin olduğunu bildirib.