"Hədəfimiz Azərbaycan və Estoniya ilə matçlarda qalib gəlməkdir"

Avstriya millisinin futbolçusu Gernot Trauner Avro-2024-ün seçmə mərhələsində Azərbaycan və Estoniya ilə keçiriləcək oyunlarla bağlı fikirlərini bölüşüb.

Futbolxeber.az saytının məlumatına görə, "Feyenoord"un mərkəz müdafiəçisi yerli mətbuata açıqlamasında hədəflərinin hər iki matçda qələbə qazanmaq olduğunu deyib:

"İki qələbə turnir cədvəli üçün yaxşı başlanğıc olardı. Hədəfimiz hər iki matçda qalib gəlmək, daha sonra Avropa çempionatının final mərhələsinə vəsiqə qazanmaqdır. Azərbaycan millisində oynayan Ozan Can Kökçünün qardaşı Orkun Kökçü "Feyenoord"dan komanda yoldaşımdır. Hər iki oyunda topa daha çox sahib olmaq və bundan faydalanmaq vacibdir".

Qeyd edək ki, Avstriya martın 24-də Azərbaycan millisini ilə, martın 27-də isə Estoniyanı qəbul edəcək.