“Barselona”dan rekord qazanc

Bu mövsüm ev oyunlarındakı tamaşaçı sayına görə “Barselona” “Real”la oyunda rekorda imza atıb.

Futbolxeber.az saytının məlumatına görə, La Liqanın 26-cı turu çərçivəsində baş tutan “El Klasiko”nu 95745 tamaşaçı izləyib. Əvvəlki rekord 13-cü turda - Pikenin vida matçında qeydə alınıb. “Almeriya” ilə görüşü 92605 nəfər izləyib.

“Barselona” həm də bilet satışından əldə olunan məbləğə görə rekorda imza atıb. Belə ki, klub “Real”la matçda bilet satışından 8,2 milyon avro əldə edib ki, bu məbləğin 3,5 milyonu VİP biletlərin payına düşür.