Alvesin həbsxana macəraları: futbol oynayır, avtoqraf paylayır

Braziliya millisinin keçmiş üzvü Dani Alveş hazırda həbsxanada vaxtını səmərəli keçirir.

Futbolxeber.az saytının “Servimedia”ya istinadən verdiyi məlumata görə, sabiq “Barselona”lı həbsxana ərazisində tez-tez məhkumlar arasında futbol təşkil edir. Alveşin təşkilatçılığı səbəbindən məhkumların idman formalarına olan tələbatları əvvəlki vaxtlarla müqayisədə 4 dəfədən çox artıb.  

Məhbuslarla əla münasibət quran veteran futbolçu tez-tez avtoqraf paylaması ilə də diqqət çəkir. Bu məlumatı futbolçunun vəkili də təsdiqləyib. Miraida Puentes Daninin yeməkdən imtina etməsi barədə yayılan xəbərləri də təkzib edib: “     Alveşin əhval-ruhiyyəsi yaxşıdır. Özünü gümrah hiss edir və günahsız olduğuna əmindir”.

Xatırladaq ki, yanvardan həbsxanada olan futbolçu gecə klubunda bir xanımı zorlamaqda ittiham olunur. Günahı sübuta yetiriləcəyi halda, Alveşi 12 ilə qədər həbs gözləyir.