Balayevin seriyası davam edir

"Tobol"da çıxış edən millimizin üzvü Emil Balayev Qazaxıstan Premyer Liqasında 429 dəqiqədir ki, qapısından qol buraxmır.

Futbolxeber.az-ın klubun saytına istinadən verdiyi məlumata görə, o, 24-cü turda "Atırau" ilə matçda (2:0) da qapısını toxunulmaz saxlayıb.

25 yaşlı qolkiper bu göstəricidə hazırda ilk pillədə qərarlaşıb. O, sonuncu dəfə iyulun 28-də "Kaysar"la görüşdə qol buraxıb.

Qeyd edək ki, bu mövsümün rekordu da məhz E.Balayevə məxsusdur. O, 683 dəqiqə qapısına toxunulmaz saxlamışdı.