“Mançester Siti”nin tarixinə düşən qol

“Hoffenhaym”ın hücumçusu İshak Belfodil Çempionlar Liqasının qrup mərhələsinin ikinci turunda “Mançester Siti”yə qarşı keçirilən oyunun 44-cü saniyəsində hesabı açıb.

Futbolxeber.az-ın xarici KİV-ə istinadən verdiyi məlumata görə, bu, Mançester təmsilçisinin ÇL tarixində qapısında gördüyü ən erkən qoldur. Buna qədər rekord Moskva MOİK-inin hücumçusu Seydu Dumbiyaya məxsus idi. O, “Siti”nin qapısına 98-ci saniyədə yol tapmışdı.

Qeyd edək ki, “Hoffenhaym” - “Mançester Siti” matçı qonaqların 2:1 hesablı qələbəsi ilə başa çatıb.