“Məni Bacco ilə müqayisə etməyin, bu, ona qarşı hörmətsizlikdi”

“Yuventus”un debütantı Federiko Bernardeski 10 nömrəli formanı qəbul etməməsi haqda danışıb.

Futbolxeber.az saytının məlumatına görə, gənc oyunçu İtaliya və dünya futbolunun canlı əfsanəsi Roberto Bacco ilə müqayisə olunmasına da münasibət bildirib:

“Düşünürəm ki, mən düzgün addım atdım. 10 nömrəli formanı daşımağa layiq olduğumu göstərməliyəm. Bu mövsüm kluba, məşqçilərə, komanda yoldaşlarıma, azarkeşlərə sübut etməliyəm ki, o formaya layiqəm.   

Bacco kimiləri artıq yoxdur. Müqayisələr yersizdir. Bacco İtaliya futbolu tarixində bəlkə də ən yaxşı futbolçudur. Bu səbəbdən də məni onunla müqayisə etməyin. Belə müqayisə təbii ki, mənim üçün xoşdur. Amma Baccoya qarşı hörmətsizlikdir”.