Riberi rəsmən 2017-ci ilə kimi "Bavariya"da

Frank Riberi "Bavariya" ilə yeni müqavilə imzalayıb. Futbolxeber.az-ın məlumatına görə, sözləşməyə əsasən fransız futbolçu 2017-ci ilə kimi Münhen klubunun şərəfinin qoruyacaq. Riberi yeni sözləşmə haqda bunları deyib: "Buna görə çox şadam. Hər zaman demişəm ki, "Bavariya"da özümü evdəki kimi hiss edirəm. Təkcə mən yox, eləcə də ailəm bu cür düşünür. Ümid edirəm ki, gələcəkdə də burada hansısa bir problemlə üzləşməyəcəyəm. Qarşıdakı mövsümdə də yenə uğurlu çıxış edəcəyimizə inamım böyükdür".

Qeyd edək ki, Riberi son mövsüm Bundesliqada 27 matça çıxıb və 10 qol vurub.