“Hazırkı komandamız çempion olan “Çelsi”dən də güclüdür”

“Çelsi”nin yarımmüdafiəçisi Eden Azar maraqlı açıqlaması ilə gündəmə gəlib.

Futbolxeber.az saytının məlumatına görə, belçikalı futbolçu hazırkı “Çelsi”nin 2014/15 mövsümündə İngiltərə çempionu olan Joze Mourinyonun komandasından daha güclü olduğunu bildirib:

“Hazırkı komandamız çempion olan “Çelsi”dən də güclüdür. Çünki biz indi hər oyunda qələbə qazanırıq. Komandada hər kəs özünə güvənir. Ötən mövsüm bacarmadığımızı etməyə çalışırıq. Oyundan oyun inkişaf edir, eləcə də qələbələrdən doymuruq.

Rekordlar mənim üçün maraqlı deyil. Amma təkcə “Çelsi”nin deyil, Premyer Liqanın tarixinə düşmək imkanımız varsa, niyə də bundan yararlanmayaq?”

Qeyd edək ki, hazırda Premyer Liqanın vahid lideri olan “Çelsi” son 12 matçda qələbə qazanıb. Bu, klub tarixində rekord göstəricidir.