Yordanesku: “Məqsədimiz Fransa ilə başabaş mübarizə aparmaqdır”

Sabah Avropa çempionatının açılış oyununda Fransa ilə qarşılaşacaq Rumıniya yığmasının baş məşqçisi Angel Yordanesku qarşıdakı görüş barədə danışıb. Futbolxeber.az saytının məlumatına görə, rumın mütəxəssis rəqibin çox güclü olduğunu vurğulayıb: “Fransa millisinin hücum xəttinin hansı səviyyədə olduğunu bilirik. Şəxsən mən fransızlarla oyunun xüsusi əhəmiyyət daşıdığını düşünürəm. Başa düşürük ki, rəqib ilk dəqiqələrdən oyuna nəzarəti əla amağa çalışacaq. Məqsədimiz Fransa ilə başabaş mübarizə aparmaqdır. Futbolçularım rəqibin aqressiv oyununa hazırdırlar. Biz yalnız müdafiə olunmayacağıq. Əlimizdən gələni edəcəyik ki, Fransa millisinə  çətin anlar yaşadıq. Rəqibin müdafiə xəttində hər şey qaydasında deyil. Fransa öz meydanında, doğma azarkeşləri önündə oynayacaq. Onlar təkcə qrupumuzun deyil, turnirin favoritlərindən biridir”.