Zidan: “Oyunçularımla fəxr edirəm”

“Real”ın baş məşqçisi Zinəddin Zidan komandasının “Betis”ə qarşı keçirdiyi oyundan (1:1) danışıb. Futbolxeber.az-ın məlumatına görə, fransız məşqçi oyunçularından razılığını ifadə edib: “Əvvəldən bilirdim ki, erkən qol vurmaq üçün çətin olacaq. Hesabı açan tərəf rəqib olsa da, sonda yenilgidən qaça bildik. Sərgilədiyimiz oyunu nəzərə alsaq, daha yaxşı nəticəyə layiq idi. Futbolda belə hallar olur. Qələbə də qazana bilərdik. Bir qədər bəxtimiz gətirmədi. Artıq qarşıdakı oyunlara baxmalıyıq. Bütün gücümüzlə çalışmalarımızı davam etdirəcəyik. Komandam düzgün yoldadı. 2 xal itirdik. Lakin irəlidə hələ çox oyunumuz var. Sonda çempion ola bilərik. “Real” bu gün fiziki baxımdan yaxşı durumdadı. Qalib gəlməsək də, oyunçularımla fəxr edirəm”.