Van Qal “Çelsi” ilə oyundan sonra “Mançester Yunayted”i tərk edəcək

Lui Van Qal “Mançester Yunayted”i tərk etmək üzrədi. Futbolxeber.az-ın məlumatına görə, 64 yaşlı mütəxəssis bu gün “Çelsi”yə qarşı baş tutacaq oyunun nəticəsindən asılı olmayaraq vəzifəsindən ayrılacaq.

Qeyd edək ki, Çempionlar Liqası da nəzərə alınmaqla, “Mançester Yunayted” ardıcıl 4 oyunda uduzub.

Britaniya mətbuatının digər iddiasına görə, son olaraq “Stok Siti”yə (0:2) uduzduqdan sonra klub rəhbərliyi ilə görüşən Van Qal, “Qırmızı şeytanlar”ın vitse-prezidenti Ed Vudvorda komandanı uğursuzluq zolağından çıxarmağın yolunu bilmədiyini vurğulayıb.