Hiddink: “Çelsi”nin problemləri tezliklə həll olunmayacaq”

Qus Hiddink baş məşqçisi olduğu “Çelsi”nin hazırkı durumundan danışıb. Futbolxeber.az-ın məlumatına görə, holland mütəxəssis komandadakı problemlərin tezliklə həll olunmayacağını qeyd edib: “Ötən mövsüm komanda böyük uğur qazandı. Bu mövsümdə də hədəflər eyni idi: yenidən çempion olmaq, Çempionlar Liqası və ölkə kubokunda uğurla çıxış etmək. Uğurlu mövsümdən sonra bəzən komanda yeni mövsümə rahatlaşmış halda start verir. Belə məqamda kollektivin sentyabrda “ayılması” mütləqdi. Lakin “Çelsi”də bu baş vermədi. Turnir cədvəlində təhlükəli zonaya yaxınlaşanda isə komandada hər kəs qorxuya düşdü. Mən əminliklə, “Çelsi”də bütün problemlər tezliklə həll olunacaq” deyə bilmərəm. Zamana ehtiyac var”.